رواية مشاكل عائلية الفصل الخامس عشر 15 بقلم سلسبيل أحمد
رواية مشاكل عائلية الجزء الخامس عشر
رواية مشاكل عائلية البارت الخامس عشر
رواية مشاكل عائلية الحلقة الخامسة عشر
– احمد
= اية ده! انتي عرفتي مكاني منين ؟؟ وازاي تيجي لوحدك!
– مش لوحدي صحبتي تحت فالعربية وبعدين مش موضوعنا ، هما قلبين الدنيا عليك هناك!!!
= طب امشي المكان ده مقطوع
وقفت قصاده: لما هو مقطوع جيت ليه؟
بعصبيه – اها وانتي عرفتيه منين بقي ؟؟؟
= عرفت وخلاص يا احمد
– ماشي مش هنتكلم هنا امشي يلا
= هتمشي معايا
– انتي هتمشي كلامك عليا؟؟ وبعدين انتي مالك اصلا!
= طب انا مش ماشيه من غيرك!
– بقولك امشي زمان اخوكي قالب عليكي الدنيا
= واختك قالبه عليك الدنيا
احمد نفخ: متضغطيش عليا انا مش عايز افقد اعصابي
– سيليا كانت منزله Gps فى موبايلك ، كانت حاسه انك هتستخبي وهي الى عرفتني مكانك وقالتلي اقولك مش هتبطل شغل عيال بقي وجري زي الفار لوحدك قالتلي كمان اطمنك واقولك متخفش هي مش هتسيبك هي.. هي بتحبك جدا وانت روحها فا مفيش داعي تهرب وتبقي خايف من يوم فرحها وتربطه بانها مش هتبقي موجوده هي عاوزاك تبقي جمبها وهي هتفضل جمبك كدا كدا
احمد عيونه دمعت و بعد بوشة وبيحاول يهدي وبعديم مشي نزلوا لحد العربية ملك طلعت بوكيه ورد حلو اوي: ادي ده لسيليا وعرفهم انك اتأخرت عشان كنت بتجيبه وانا هقولهم اني كنت مع صحبتي بنعمل اي حاجه
احمد بتوتر: ملك..
بصتله وبعدين دخلت العربيه ومشيت و هو ركب عربيته ومشي بعدها مع وصوله كلهم جريوا عليه وسيليا من بعيد بصت لملك بفخر وبصت لاسر بخبث.
احمد قرب وحضنها وقال بهمس: انا اسف مكنش قصدي أ
سيليا قاطعته: بس يا عبى*ط انا فاهمه كل الى هتقوله لينا كلام قريب كده كده
احمد ابتسم: شكلك زي القمر يا سيليا
سيليا بصوت واطي: وانت احلي واحد هنا حتي احلي من اسر ها
احمد ضحك: طب عروسة بقي خليكي جدعه
سيليا: شارو على اي واحده هنا كده
احمد: مش عارف الفرح مليان فساتين
سيليا فضلت تضحك: هو في فستان احمر كده يمكن يليق على البدله التحفه دي
احمد مكنش فاهم: هدور عليه
سابهم و سيليا بصت لاسر: معلش بقي تؤامي
اسر بحب: استحمله عشان خاطر عيونك ياستي
سيليا: هروح اكلم ملك ثواني
اسر: كفايه خطط
سيليا ضحكت: متقلقش بس هحط التاتش بتاعي
راحت لها وملك حضنتها: اجمل عروسه شافتها عنيا
سيليا: وانتي اكبر موكوسه عدت عليا
ملك ضحكت: مش جبتلك اخوكي عايزه اية
سيليا: جبتيه اها انا عاوزاكي تجبيه واقع على عينه بجد
ملك: بس يا سيليا بقي كفايه خلتيني اروحله انا بالذات وانتي عارفه الى حصل
فلاش باك #
في يوم كانوا سيليا و ملك بيقدموا في الكليه و احمد عدي عليهم وشاف ملك لوحدها مع حد
احمد: ملك ؟ انتي كنتي واقفه مع مين وادتيه اية
ملك بتوتر: ده… ده.. واحد
احمد: ياعيني اية واحد؟؟؟
ملك: كان بيقولي انه معجب بيا وطلب رقم بابا
احمد : نعم؟؟؟ وانتي اديتيهوله!!
ملك: اها هو فيه اي!!!
احمد: في اية؟؟ لا ولا حاجه
سيليا جت من الحمام: مالكوا؟
احمد: مفيش حاجه يلا
باك#
سيليا: ما قولتلك انتي غلطانه!! وهوا بيغير
ملك: بيغير ليه بقي هو مقلش ليا حاجه ولا بينا حاجه
سيليا: اها مقلش بس كان بينكم حاجه كان بيحبك يا ملك!
ملك: ورفضت الى خد رقم بابا لما كلمه وطلب ايدي منو احمد عمل اية بقي فضل متجنبني
سيليا: طبيعيي عشان مدايق
ملك: سيليا احمد بيعتبرني زيك
سيليا: يعني اية
ملك: يعني احنا اخوات زي ما قال
________________________
زين: مش عارف العيال متنشنه ليه
ليلي: روق بس كده هما دلوقتي كبار
زين: والله دول بشخه
ليلي ضحكت: بس يا زين
زين بحب: سيبك منهم اية القمر ده
ليلي: انت احلي.
زين: مفيش الكلام ده انا اجي جمبك اية بس
ليلي: انا حلوة عشان معاك
زين: اوعي بقي الكلام ده يارتني كتبت كتاب من بدري
ليلي: انا عاوزة اقولك حاجه كمان.. انا بحبك
زين حضنها بفرحه: انا بموووووت فيكي!!!!
_______________________
– ترقصي؟
ملك رفعت راسها لقت ولد اصغر منها وشكله كيوت اوي
– هو انا عشان قصيرة تفتكرني قدك
الولد ببراءه: هااه انتي اكبر مني
ملك ضحكت: شوفت انا كان لازم اللبس هيلز والله
لسه هتقوم وتمسك ايده احمد قرب وهوا معاه بنت صغيره: خد بس رايح فين خد دي قدك
بص ل ملك: دي بتاعتي انا
الولد مشي مع البنت وهما بيضحكوا وملك بصت لاحمد بعدم فهم: في اية
– لا مفيش ده بس يعني كنت حابب اقولك ياريت متعرفيش حد انا كنت فين
= اممم حاضر مش هقول لحد
– وياريت تقعدي بقي
= اية؟
– يعني مش كل شوية تتحركي مره عند سيليا و مره عند ليلي
= وانت مالك
احمد جز على سنانه: تاني؟؟ تاني؟
ملك: اها انت مش كنت عامل مش شايفني ومتخاصمين خليك مخاصمني
احمد حاول يهدي وبصلها بهدوء: مش قادر اقاوم جمالك
ملك وشها احمر جدا وفضلت متنحه
احمد ضحك جامد على شكلها: طب خلاص انتي تمام
ملك: متقوليش كده بدل ما اقول لاسر
احمد: هو اسر لي عين يتكلم بعد ما اتجوز اختي وخدها مننا كدا
ملك: اها هيتكلم
احمد: ملك
ملك: ها خير
احمد: انا بااا ب
احمد في نفسه: اتكلم يبن الغبيه ولا فالح تزعق بس
قال بسرعه: انا بحبك!
ملك اتصدمت: اية!!
احمد: اها
ملك وهي عيونها مدمعه: انت مش بتعتبرني اختك
احمد وهو بيلحق الموقف ومسح عيونها: اهدي بس ماهو كله من اخوكي خد سيليا اختي فا انا قولت اردهاله واخدك منه
ملك ضحكت: احمد بس
احمد قاطعها: خدي بس الخاتم ده الاول وبعدين نشوف موضوع الخطوبة بعد الفرحين دول
ملك: يلهوي آسر شافنا!!!
احمد بصله وطلع له لسانه
ملك: يلهوي!
احمد: يالهولك اية ده انا هجبلو سكته قلبيه اصبري
على الناحيه التانيه
اسر: شايفه اخوكي!!
سيليا: شايفه الخطه نجحت!!
اسر: متنسيش بس اني مشترك و وافقت تروح تجيبه
سيليا: قال يعني مكنتش معاها عالفون وبعت معاها صحبتها
اسر: اها امال اخليه يستفرد بيها
سيليا ضحكت: بس قصه الحب بتبدء اهي بالاستفراد
اسر بصلها بحب: اممم زي ما استفرد بيكي وانتي تايهه
سيليا: و زي ما زين استفرد ب ليلي بحجه الروايات
اسر: كلها استفردات بس اجمل استفراد هيحصل في بيتنا
سيليا: بس عيب
اسر: عيب مين اسكتي انتي
وفي اخر الفرح كل واحد كان بيرقص مع حببته و احمد لاحظ لون فستان ملك الاحمر
احمد: الفستان الاحمر؟؟ اها يا سيليا يابنتال.
ملك: بتقول اية
احمد بابتسامه: بقول سيليا بنتي حببتي
سيليا بصتله من بعيد واحمد بصلها بنص عين غمزتله وقالت بشفافيها “مبروووووك”
____________________
تمت.
لقراءة الرواية كاملة اضغط على : (رواية مشاكل عائلية)
